ਹੁਸਨ ਦਾ ਜਾਦੂ - ਬੱਚੀ ਨੂੰ ਸਕੂਲ ਦਾਖਲਾ ਦਿਵਾਉਣ ਗਏ ਪਿਓ ਨੂੰ ਹੋਇਆ ਟੀਚਰ ਨਾਲ ਪਿਆਰ, ਸਭ ਹੱਦਾਂ ਕੀਤੀਆਂ ਪਾਰ, ਜਾਣੋ ਫਿਰ ਕੀ ਹੋਇਆ ਅੰਜਾਮ 

ਕਾਰੋਬਾਰੀ ਸਤੀਸ਼ ਨੇ 2023 ਵਿੱਚ ਆਪਣੀ ਸਭ ਤੋਂ ਛੋਟੀ 5 ਸਾਲਾਂ ਦੀ ਧੀ ਨੂੰ ਸਕੂਲ ਵਿੱਚ ਦਾਖਲ ਕਰਵਾਇਆ ਸੀ। ਉੱਥੇ ਹੀ ਦਾਖਲਾ ਪ੍ਰਕਿਰਿਆ ਦੌਰਾਨ ਉਸਦੀ ਮੁਲਾਕਾਤ ਸ਼੍ਰੀਦੇਵੀ ਰੁਦਾਗੀ ਨਾਲ ਹੋਈ। ਪਹਿਲਾਂ ਦੋਵਾਂ ਵਿਚਕਾਰ ਗੱਲਬਾਤ ਹੋਈ, ਫਿਰ ਉਹ ਦੋਸਤ ਬਣ ਗਏ ਅਤੇ ਫਿਰ ਉਨ੍ਹਾਂ ਨੂੰ ਪਿਆਰ ਹੋ ਗਿਆ।

ਬੰਗਲੁਰੂ ਤੋਂ ਇੱਕ ਮਾਮਲਾ ਸਾਮਣੇ ਆਇਆ ਹੈ ਜਿੱਥੇ ਇੱਕ ਪਿਓ ਨੂੰ ਆਪਣੀ ਬੱਚੀ ਦੀ ਟੀਚਰ ਨਾਲ ਇੰਨਾ ਪਿਆਰ ਹੋ ਗਿਆ ਕਿ ਉਸਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਤੇ ਆਖਰਕਾਰ ਜਦੋਂ ਟੀਚਰ ਦਾ ਅਸਲੀ ਰੂਪ ਸਾਮਣੇ ਆਇਆ ਤਾਂ ਉਸਨੂੰ ਪਛਤਾਉਣਾ ਪਿਆ। ਇਹ ਮਾਮਲਾ ਪੁਲਿਸ ਦਰਬਾਰ ਪਹੁੰਚ ਗਿਆ ਤੇ ਹੁਣ ਇਹ ਟੀਚਰ ਤੇ ਉਸਦੇ 2 ਸਾਥੀ ਸਲਾਖਾਂ ਪਿੱਛੇ ਹਨ। ਅਧਿਆਪਕਾ ਦਾ ਨਾਮ ਸ਼੍ਰੀਦੇਵੀ ਰੁਦਾਗੀ ਹੈ, ਜਿਸਦੀ ਉਮਰ 25 ਸਾਲ ਦੱਸੀ ਜਾ ਰਹੀ ਹੈ। ਸ਼੍ਰੀਦੇਵੀ ਰੁਦਾਗੀ ਅਤੇ ਉਸਦੇ ਦੋ ਹੋਰ ਸਾਥੀਆਂ, ਗਣੇਸ਼ ਕਾਲੇ ਅਤੇ ਸਾਗਰ, ਨੂੰ ਕੇਂਦਰੀ ਅਪਰਾਧ ਸ਼ਾਖਾ ਨੇ 4 ਲੱਖ ਰੁਪਏ ਦੀ ਫਿਰੌਤੀ ਲੈਣ ਅਤੇ ਫਿਰ ਉਸ ਦੀਆਂ ਇਤਰਾਜ਼ਯੋਗ ਤਸਵੀਰਾਂ ਅਤੇ ਵੀਡੀਓਜ਼ ਨਾਲ 20 ਲੱਖ ਰੁਪਏ  ਬਲੈਕਮੇਲ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਹੈ।

ਪਹਿਲੀ ਮੁਲਾਕਾਤ 'ਚ ਹੋਈ ਦੋਸਤੀ 

ਪੁਲਿਸ ਦੇ ਅਨੁਸਾਰ, ਪੱਛਮੀ ਬੰਗਲੁਰੂ ਦੇ ਇੱਕ ਇਲਾਕੇ ਵਿੱਚ ਆਪਣੀ ਪਤਨੀ ਅਤੇ ਤਿੰਨ ਧੀਆਂ ਨਾਲ ਰਹਿਣ ਵਾਲੇ ਇੱਕ ਕਾਰੋਬਾਰੀ ਸਤੀਸ਼ ਨੇ 2023 ਵਿੱਚ ਆਪਣੀ ਸਭ ਤੋਂ ਛੋਟੀ 5 ਸਾਲਾਂ ਦੀ ਧੀ ਨੂੰ ਸਕੂਲ ਵਿੱਚ ਦਾਖਲ ਕਰਵਾਇਆ ਸੀ। ਉੱਥੇ ਹੀ ਦਾਖਲਾ ਪ੍ਰਕਿਰਿਆ ਦੌਰਾਨ ਉਸਦੀ ਮੁਲਾਕਾਤ ਸ਼੍ਰੀਦੇਵੀ ਰੁਦਾਗੀ ਨਾਲ ਹੋਈ। ਪਹਿਲਾਂ ਦੋਵਾਂ ਵਿਚਕਾਰ ਗੱਲਬਾਤ ਹੋਈ, ਫਿਰ ਉਹ ਦੋਸਤ ਬਣ ਗਏ ਅਤੇ ਫਿਰ ਉਨ੍ਹਾਂ ਨੂੰ ਪਿਆਰ ਹੋ ਗਿਆ। ਇਸਤੋਂ ਬਾਅਦ, ਉਹ ਇੱਕ ਦੂਜੇ ਨਾਲ ਇੱਕ ਵੱਖਰੇ ਸਿਮ ਕਾਰਡ ਅਤੇ ਫੋਨ 'ਤੇ ਗੱਲ ਕਰਨ ਅਤੇ ਵੀਡੀਓ ਕਾਲ ਕਰਨ ਲੱਗ ਪਏ। ਅਖੀਰ ਉਨ੍ਹਾਂ ਦੀਆਂ ਮੁਲਾਕਾਤਾਂ ਨਿੱਜੀ ਬਣ ਗਈਆਂ ਅਤੇ ਦੋਵਾਂ ਵਿਚਕਾਰ ਸਬੰਧ ਬਣ ਗਏ। 

ਬਲੈਕਮੇਲ ਕਰਕੇ 15 ਲੱਖ ਮੰਗੇ 

ਰੁਦਾਗੀ ਨੇ ਸਤੀਸ਼ ਨੂੰ ਬਲੈਕਮੇਲ ਕਰਨਾ ਸ਼ੁਰੂ ਕਰ ਦਿੱਤਾ। ਜਨਵਰੀ ਵਿੱਚ ਉਸਨੇ ਸਤੀਸ਼ ਤੋਂ 15 ਲੱਖ ਰੁਪਏ ਦੀ ਮੰਗ ਕੀਤੀ। ਜਦੋਂ ਉਹ ਪੈਸੇ ਦੇਣ ਤੋਂ ਝਿਜਕਿਆ, ਤਾਂ ਉਹ 50,000 ਰੁਪਏ ਉਧਾਰ ਲੈਣ ਦੇ ਬਹਾਨੇ ਉਸਦੇ ਘਰ ਪਹੁੰਚ ਗਈ। ਬਲੈਕਮੇਲ ਤੋਂ ਤੰਗ ਆ ਕੇ, ਸਤੀਸ਼ ਨੇ ਇੱਕ ਸਖ਼ਤ ਫੈਸਲਾ ਲਿਆ ਅਤੇ ਆਪਣੇ ਪਰਿਵਾਰ ਨੂੰ ਗੁਜਰਾਤ ਸਿਫਟ ਕਰਨ ਦਾ ਫੈਸਲਾ ਕੀਤਾ। ਪਰ ਇਸ ਲਈ ਉਨ੍ਹਾਂ ਨੂੰ ਬੱਚੇ ਦੇ ਟ੍ਰਾਂਸਫਰ ਸਰਟੀਫਿਕੇਟ ਦੀ ਲੋੜ ਸੀ।  ਜਦੋਂ ਉਹ ਟ੍ਰਾਂਸਫਰ ਸਰਟੀਫਿਕੇਟ ਲੈਣ ਲਈ ਸਕੂਲ ਪਹੁੰਚਿਆ, ਤਾਂ ਉਸਨੇ ਆਪਣੇ ਆਪ ਨੂੰ ਰੁਦਾਗੀ ਦੇ ਦਫ਼ਤਰ ਵਿੱਚ ਪਾਇਆ, ਜਿੱਥੇ ਕਾਲੇ ਅਤੇ ਸਾਗਰ ਵੀ ਮੌਜੂਦ ਸਨ। ਉਨ੍ਹਾਂ ਨੇ ਸਤੀਸ਼ ਅਤੇ ਰੁਦਾਗੀ ਦੀਆਂ ਨਿੱਜੀ ਫੋਟੋਆਂ ਅਤੇ ਵੀਡੀਓ ਦਿਖਾਏ ਅਤੇ 20 ਲੱਖ ਰੁਪਏ ਦੀ ਮੰਗ ਕੀਤੀ ਅਤੇ ਧਮਕੀ ਦਿੱਤੀ ਕਿ ਜਾਂ ਤਾਂ ਉਹ ਪੈਸੇ ਦੇਵੇ ਜਾਂ ਉਹ ਫੋਟੋਆਂ ਅਤੇ ਵੀਡੀਓ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਭੇਜ ਦੇਣਗੇ। 

ਟੀਚਰ ਤੇ ਉਸਦੇ ਸਾਥੀ ਜੇਲ੍ਹ ਭੇਜੇ 

ਸਤੀਸ਼ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ 'ਤੇ ਬਹਿਸ ਕੀਤੀ ਅਤੇ 15 ਲੱਖ ਰੁਪਏ ਦੀ ਅਦਾਇਗੀ ਮੰਗੀ। 17 ਮਾਰਚ ਨੂੰ, ਰੁਦਾਗੀ ਨੇ ਉਸਨੂੰ ਫ਼ੋਨ ਕੀਤਾ ਅਤੇ ਭੁਗਤਾਨ ਬਾਰੇ ਯਾਦ ਦਿਵਾਇਆ। ਇੱਕ ਸਾਬਕਾ ਪੁਲਿਸ ਅਧਿਕਾਰੀ ਲਈ 5 ਲੱਖ ਰੁਪਏ ਅਤੇ ਸਾਗਰ ਅਤੇ ਕਾਲੇ ਲਈ 1-1 ਲੱਖ ਰੁਪਏ, ਅਤੇ ਬਾਕੀ 8 ਲੱਖ ਰੁਪਏ ਉਸਦੇ ਲਈ ਮੰਗੇ ਗਏ। ਇਸ ਤੋਂ ਬਾਅਦ ਸਤੀਸ਼ ਨੇ ਪੁਲਿਸ ਨੂੰ ਫ਼ੋਨ ਕੀਤਾ। ਰੁਦਾਗੀ, ਸਾਗਰ ਅਤੇ ਕਾਲੇ ਨੂੰ ਗ੍ਰਿਫ਼ਤਾਰ ਕਰਕੇ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

• 

  ਖੰਨਾ 'ਚ ਸ਼ਰਾਬ ਨਾਲ ਭਰਿਆ ਕੈਂਟਰ ਬਰਾਮਦ, 31 ਮਾਰਚ ਦਾ ਬਚਿਆ ਕੋਟਾ ਖੁਰਦ ਬੁਰਦ ਕਰਨ ਲੱਗਿਆ ਸੀ ਠੇਕੇਦਾਰ 

  Crime

• 

  iPhone ਲਈ ਦੋਸਤ ਨੂੰ ਉਤਾਰਿਆ ਮੌਤ ਦੇ ਘਾਟ, ਹਾਦਸਾ ਦਿਖਾਉਣ ਲਈ ਲਾਸ਼ ਨੂੰ ਰੇਲਵੇ ਟਰੈਕ 'ਤੇ ਸੁੱਟਿਆ

  Crime

• 

  ਸਾਈਬਰ ਠੱਗਾਂ ਦਾ ਨਵਾਂ ਕਾਰਨਾਮਾ,ਸੇਵਮੁਕਤ ਕਰਨਲ ਨੂੰ ਕੀਤਾ Digital Arrest,ED ਦਾ ਨਕਲੀ ਅਧਿਕਾਰੀ ਬਣ ਮਾਰੀ 3.4 ਕਰੋੜ ਦੀ ਠੱਗੀ

  Crime

• 

  ਪਤਨੀ ਨੇ ਧੀ ਨਾਲ ਮਿਲ ਕੇ ਕਰਵਾਇਆ ਪਤੀ ਦਾ Murder, ਚੂੜੀ ਵੇਚਣ ਵਾਲੇ ਨੂੰ ਦਿੱਤੀ ਸੀ ਸੁਪਾਰੀ  

  Crime

• 

  ਔਰਤ ਨੇ ਕੀਤਾ ਪਤੀ ਦਾ ਬੇਰਿਹਮੀ ਨਾਲ ਕਤਲ, ਇਲਾਕੇ ਵਿੱਚ ਫੈਲੀ ਸਨਸਨੀ, ਮੁਲਜ਼ਮ ਪੁਲਿਸ ਨੂੰ ਕਰਦੀ ਰਹੀ ਗੁੰਮਰਾਹ 

  Crime