ਖੰਨਾ 'ਚ ਰੇਡ ਮਾਰਨ ਗਈ ਪੁਲਿਸ ਪਾਰਟੀ 'ਤੇ ਨਸ਼ਾ ਤਸਕਰ ਪਤੀ-ਪਤਨੀ ਨੇ ਕੀਤਾ ਹਮਲਾ, ਥਾਣੇਦਾਰ ਦੀ ਵਰਦੀ ਫਾੜੀ 

ਹੋਰ ਪੁਲਿਸ ਕਰਮਚਾਰੀ ਆਪਣੇ ਸਾਥੀਆਂ ਨੂੰ ਬਚਾਉਣ ਲਈ ਆਏ ਅਤੇ ਬਾਅਦ ਵਿੱਚ ਘਰ ਦੀ ਤਲਾਸ਼ੀ ਦੌਰਾਨ 6 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਨੇ ਦੋਸ਼ੀ ਜੋੜੇ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇੱਕ ਦੋਸ਼ੀ ਫਰਾਰ ਹੈ।

ਪੰਜਾਬ ਵਿੱਚ ਨਸ਼ਿਆਂ ਵਿਰੁੱਧ ਜੰਗ ਦੇ ਤਹਿਤ ਨਸ਼ਾ ਤਸਕਰਾਂ ਨੂੰ ਨੱਥ ਪਾਉਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਤਾਂ ਦੂਜੇ ਪਾਸੇ ਪੁਲਿਸ ਜ਼ਿਲ੍ਹਾ ਖੰਨਾ ਦੇ ਸ੍ਰੀ ਮਾਛੀਵਾੜਾ ਸਾਹਿਬ ਵਿਖੇ ਨਸ਼ਾ ਤਸਕਰ ਪਤੀ ਪਤਨੀ ਨੇ ਪੁਲਿਸ ਪਾਰਟੀ 'ਤੇ ਹਮਲਾ ਕਰ ਦਿੱਤਾ। ਘਰ ਦੀ ਤਲਾਸ਼ੀ ਲੈਣ ਆਈ ਪੁਲਿਸ 'ਤੇ ਹਮਲਾ ਕੀਤਾ ਗਿਆ। ਏਐਸਆਈ ਦੀ ਵਰਦੀ ਫਾੜ ਦਿੱਤੀ ਗਈ। ਘਰ ਦਾ ਦਰਵਾਜ਼ਾ ਵੀ ਬੰਦ ਕਰ ਦਿੱਤਾ ਅਤੇ ਪੁਲਿਸ ਨੂੰ ਬੰਧਕ ਬਣਾ ਲਿਆ। ਹੋਰ ਪੁਲਿਸ ਕਰਮਚਾਰੀ ਆਪਣੇ ਸਾਥੀਆਂ ਨੂੰ ਬਚਾਉਣ ਲਈ ਆਏ ਅਤੇ ਬਾਅਦ ਵਿੱਚ ਘਰ ਦੀ ਤਲਾਸ਼ੀ ਦੌਰਾਨ 6 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਨੇ ਦੋਸ਼ੀ ਜੋੜੇ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇੱਕ ਦੋਸ਼ੀ ਫਰਾਰ ਹੈ।

112 'ਤੇ ਸੂਚਨਾ ਮਿਲੀ ਸੀ 

ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ 112 ਹੈਲਪਲਾਈਨ 'ਤੇ ਸੂਚਨਾ ਮਿਲੀ ਸੀ ਕਿ ਨੀਰਜ ਕੁਮਾਰ ਅਤੇ ਉਸਦੀ ਪਤਨੀ ਕੋਮਲ ਘਈ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਵਿੱਚ ਸ਼ਾਮਲ ਹਨ। ਉਹਨਾਂ ਵਿਰੁੱਧ ਕੇਸ ਵੀ ਦਰਜ ਹਨ ਅਤੇ ਅੱਜ ਉਹਨਾਂ ਕੋਲ ਹੈਰੋਇਨ ਆਈ  ਹੈ। ਸ਼ੇਰਪੁਰ ਬੇਟ ਪੁਲਿਸ ਚੌਕੀ ਇੰਚਾਰਜ ਏਐਸਆਈ ਸੁਖਵਿੰਦਰ ਸਿੰਘ ਬੈਲਟ ਨੰਬਰ 87 ਆਪਣੀ ਪੁਲਿਸ ਪਾਰਟੀ ਸਮੇਤ ਨੀਰਜ ਦੇ ਘਰ ਪਹੁੰਚੇ। ਉੱਥੇ ਪੁਲਿਸ ਨੂੰ ਦੇਖ ਕੇ ਨੀਰਜ ਅਤੇ ਉਸਦੀ ਪਤਨੀ ਕੋਮਲ ਤੈਸ਼ ਵਿੱਚ ਆ ਗਏ। ਉਹ ਲੜਨ ਲੱਗ ਪਏ। ਨੀਰਜ ਕੁਮਾਰ ਨੇ ਇੱਕ ਹੋਰ ਏਐਸਆਈ ਸੁਖਵਿੰਦਰ ਸਿੰਘ ਬੈਲਟ ਨੰਬਰ 34, ਜੋ ਕਿ ਪੁਲਿਸ ਪਾਰਟੀ ਦਾ ਹਿੱਸਾ ਸੀ, ਦੀ ਵਰਦੀ ਮੋਢੇ ਤੋਂ ਪਾੜ ਦਿੱਤੀ। ਜਦੋਂ ਏਐਸਆਈ ਸੁਖਵਿੰਦਰ ਸਿੰਘ ਬੈਲਟ ਨੰਬਰ 87 ਨੇ ਉਸਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਨੀਰਜ ਨੇ ਉਸਦੇ ਦੰਦਾਂ ਨਾਲ  ਬਾਂਹ 'ਤੇ ਵੱਢ ਲਿਆ। ਫਿਰ ਨੀਰਜ ਦੇ ਪਿਤਾ ਕੁਲਵੰਤ ਕੁਮਾਰ ਵੀ ਆ ਗਏ ਅਤੇ ਤਲਾਸ਼ੀ ਰੋਕਣ ਲੱਗੇ। ਕੁਲਵੰਤ ਕੁਮਾਰ ਨੇ ਬਾਹਰੋਂ ਗੇਟ ਬੰਦ ਕਰ ਦਿੱਤਾ, ਪੁਲਿਸ ਨੂੰ ਬੰਧਕ ਬਣਾ ਲਿਆ ਅਤੇ ਭੱਜ ਗਿਆ। ਇਸ ਤਰ੍ਹਾਂ ਕਰਨ ਨਾਲ ਪੁਲਿਸ ਪਾਰਟੀ ਦੀ ਡਿਊਟੀ ਵਿੱਚ ਰੁਕਾਵਟ ਆਈ। ਪੁਲਿਸ 'ਤੇ ਹਮਲਾ ਕੀਤਾ ਗਿਆ।

ਪਤੀ ਦਾ ਰਿਮਾਂਡ, ਪਤਨੀ ਜੇਲ੍ਹ ਵਿੱਚ

ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਕਰਮਜੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਨੀਰਜ ਕੁਮਾਰ ਬੌਬੀ ਅਤੇ ਉਸਦੀ ਪਤਨੀ ਕੋਮਲ ਘਈ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਕੁਲਵੰਤ ਕੁਮਾਰ ਫਰਾਰ ਹੈ। ਤਿੰਨਾਂ ਖ਼ਿਲਾਫ਼ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਤੋਂ ਇਲਾਵਾ ਪੁਲਿਸ 'ਤੇ ਹਮਲਾ ਕਰਨ, ਵਰਦੀ ਪਾੜਨ ਅਤੇ ਡਿਊਟੀ ਵਿੱਚ ਰੁਕਾਵਟ ਪਾਉਣ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਨੀਰਜ ਕੁਮਾਰ ਦਾ ਇੱਕ ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਗਿਆ। ਉਸਦੀ ਪਤਨੀ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।

 

 

• 

  ਯੂਪੀ ਦੇ ਮੁਰਾਦਾਬਾਦ ਵਿੱਚ ਬੇਰਹਿਮੀ ਦੀਆਂ ਹੱਦਾਂ ਪਾਰ,  ਰਸਤਾ ਰੋਕਣ ਤੇ ਬਿੱਲੀ ਸਾੜ ਦਿੱਤਾ 

  Crime

• 

  ਸੁਹਾਗਰਾਤ ਤੋਂ ਪਹਿਲਾਂ ਲਾੜੇ ਦੀ ਖੂਨੀ ਖੇਡ, ਲਾੜੀ ਨੂੰ ਮਾਰਨ ਤੋਂ ਬਾਅਦ ਅੱਧਾ ਘੰਟਾ ਲਾਸ਼ ਕੋਲ ਬੈਠਾ ਰਿਹਾ

  Crime

• 

  ਪ੍ਰੇਮੀ ਨਾਲ ਭੱਜੀ ਪਤਨੀ, ਪਤੀ ਨੇ ਦਿੱਤੀ ਖੌਫਨਾਕ ਸਜ਼ਾ,ਕਤਲ ਤੋਂ ਬਾਅਦ ਬੱਚਿਆਂ ਨੂੰ ਲੈ ਕੇ ਹੋਇਆ ਫਰਾਰ

  Crime

• 

  ਬ੍ਰੇਕਿੰਗ - ਪੰਜਾਬ 'ਚ ਲੁੱਟ ਦੀ ਵੱਡੀ ਵਾਰਦਾਤ, ਲੋਹਾ ਵਪਾਰੀ ਦੇ ਦਫ਼ਤਰ 'ਤੇ ਫਾਇਰਿੰਗ ਕਰਕੇ ਸਾਢੇ 15 ਲੱਖ ਕੈਸ਼ ਲੁੱਟਿਆ

  Crime

• 

  ਰਾਜਪੁਰਾ 'ਚ ਐਨਕਾਊਂਟਰ ਮਗਰੋਂ ਬੰਬੀਹਾ ਗੈਂਗ ਦਾ ਗੁਰਗਾ ਗ੍ਰਿਫ਼ਤਾਰ

  Crime