ਭਰਾ ਨੇ ਕੀਤਾ ਤੇਜ਼ਧਾਰ ਹਥਿਆਰਾਂ ਨਾਲ ਭੈਣ ਅਤੇ ਜੀਜੇ ਦਾ ਕਤਲ, ਜਮੀਨੀ ਵਿਵਾਦ ਦੇ ਚੱਲਦਿਆਂ ਦਿੱਤਾ ਘਟਨਾ ਨੂੰ ਅੰਜਾਮ, ਮੁਲਜ਼ਮ ਫਰਾਰ

ਪਹਿਲੇ ਦੋਵਾਂ ਭੈਣਾ-ਭਰਾ ਵਿੱਚ ਜਾਇਦਾਦ ਨੂੰ ਲੈ ਕੇ ਝਗੜਾ ਹੋਇਆ। ਜਿਸ ਤੋਂ ਬਾਅਦ ਸ਼ੁੱਕਰਵਾਰ ਸਵੇਰੇ ਅਰਸ਼ਪ੍ਰੀਤ ਸਿੰਘ ਨੇ ਕਮਰੇ ਵਿੱਚ ਸੁੱਤੇ ਆਪਣੀ ਭੈਣ ਹਰਪ੍ਰੀਤ ਕੌਰ ਅਤੇ ਉਸਦੇ ਪਤੀ ਰੇਸ਼ਮ ਸਿੰਘ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ। ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਮੌਕੇ ਤੋਂ ਫਰਾਰ ਹੋ ਗਿਆ। ਇਨ੍ਹਾਂ ਵਿਚਕਾਰ ਆਪਣੇ ਬਿਮਾਰ ਪਿਤਾ ਦੀ ਜੱਦੀ ਜਾਇਦਾਦ ਨੂੰ ਲੈ ਕੇ ਝਗੜਾ ਚੱਲ ਰਿਹਾ ਸੀ। 

ਫਰੀਦਕੋਟ ਦੇ ਪਿੰਡ ਕੰਨਿਆਂਵਾਲੀ ਵਿੱਚ ਆਪਣੇ ਬਿਮਾਰ ਪਿਤਾ ਦੀ ਜੱਦੀ ਜਾਇਦਾਦ ਦੇ ਝਗੜੇ ਵਿੱਚ, ਇੱਕ ਨੌਜਵਾਨ ਨੇ ਆਪਣੀ ਭੈਣ ਅਤੇ ਭਰਜਾਈ ਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਵਾਰ ਕਰ ਦਿੱਤਾ, ਜਿਸ ਕਾਰਨ ਦੋਵਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਥਾਣਾ ਸਾਦਿਕ ਵਿੱਚ ਮਾਮਲਾ ਦਰਜ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ ਅਤੇ ਘਟਨਾ ਤੋਂ ਬਾਅਦ ਮੌਕੇ ਤੋਂ ਭੱਜਣ ਵਾਲੇ ਮੁਲਜ਼ਮ ਨੌਜਵਾਨ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

ਭੈਣ ਮੰਗ ਰਹੀ ਸੀ ਜਮੀਨ ਵਿੱਚੋਂ ਹਿੱਸਾ

ਜਾਣਕਾਰੀ ਅਨੁਸਾਰ ਪਿੰਡ ਕੰਨਿਆਂਵਾਲੀ ਦੇ ਗਮਦੂਰ ਸਿੰਘ ਦੇ ਪੁੱਤਰ ਅਰਸ਼ਪ੍ਰੀਤ ਸਿੰਘ ਅਤੇ ਉਸਦੀ ਧੀ ਹਰਪ੍ਰੀਤ ਕੌਰ, ਜੋ ਮੋਗਾ ਵਿੱਚ ਵਿਆਹੀ ਹੋਈ ਹੈ, ਵਿਚਕਾਰ ਪਿਤਾ ਦੀ ਜੱਦੀ ਜਾਇਦਾਦ ਨੂੰ ਲੈ ਕੇ ਝਗੜਾ ਚੱਲ ਰਿਹਾ ਸੀ ਅਤੇ ਕਿਹਾ ਜਾ ਰਿਹਾ ਹੈ ਕਿ ਭੈਣ ਹਰਪ੍ਰੀਤ ਕੌਰ ਜ਼ਮੀਨ ਵਿੱਚ ਹਿੱਸਾ ਮੰਗ ਰਹੀ ਸੀ। ਇਨ੍ਹੀਂ ਦਿਨੀਂ ਗਮਦੂਰ ਸਿੰਘ ਖੁਦ ਗੰਭੀਰ ਬਿਮਾਰੀ ਕਾਰਨ ਮੰਜੇ 'ਤੇ ਹੈ। ਹਰਪ੍ਰੀਤ ਕੌਰ ਆਪਣੇ ਪਤੀ ਰੇਸ਼ਮ ਸਿੰਘ ਨਾਲ ਮੋਗਾ ਤੋਂ ਆਪਣੇ ਨਾਨਕੇ ਪਿੰਡ ਉਸਦੀ ਸੇਵਾ ਕਰਨ ਆਈ ਸੀ।

ਸੂਚਨਾ ਮਿਲਣ ਤੇ ਪੁੱਜੇ ਪੁਲਿਸ ਅਧਿਕਾਰੀ

ਵੀਰਵਾਰ ਰਾਤ ਨੂੰ ਦੋਵਾਂ ਭੈਣ-ਭਰਾ ਵਿੱਚ ਜਾਇਦਾਦ ਨੂੰ ਲੈ ਕੇ ਝਗੜਾ ਹੋਇਆ, ਜਿਸ ਤੋਂ ਬਾਅਦ ਸ਼ੁੱਕਰਵਾਰ ਸਵੇਰੇ ਅਰਸ਼ਪ੍ਰੀਤ ਸਿੰਘ ਨੇ ਕਮਰੇ ਵਿੱਚ ਸੁੱਤੇ ਆਪਣੀ ਭੈਣ ਹਰਪ੍ਰੀਤ ਕੌਰ ਅਤੇ ਉਸਦੇ ਪਤੀ ਰੇਸ਼ਮ ਸਿੰਘ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਫਰੀਦਕੋਟ ਦੇ ਐਸਪੀ ਜਸਮੀਤ ਸਿੰਘ, ਡੀਐਸਪੀ ਤ੍ਰਿਲੋਚਨ ਸਿੰਘ, ਥਾਣਾ ਸਾਦਿਕ ਦੇ ਐਸਐਚਓ ਨਵਦੀਪ ਸਿੰਘ ਸਮੇਤ ਸੀਨੀਅਰ ਪੁਲਿਸ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਗਮਦੂਰ ਸਿੰਘ ਕੋਲ ਲਗਭਗ 8 ਏਕੜ ਜ਼ਮੀਨ ਹੈ ਅਤੇ ਅਰਸ਼ਪ੍ਰੀਤ ਸਿੰਘ ਨੂੰ ਡਰ ਸੀ ਕਿ ਉਸਦੇ ਪਿਤਾ ਨੂੰ ਜ਼ਮੀਨ ਦਾ ਕੁਝ ਹਿੱਸਾ ਉਸਦੀ ਭੈਣ ਹਰਪ੍ਰੀਤ ਕੌਰ ਦੇ ਨਾਮ 'ਤੇ ਤਬਦੀਲ ਕਰਵਾ ਦਿੱਤਾ ਜਾ ਸਕਦਾ ਹੈ ਅਤੇ ਇਸ ਕਾਰਨ ਉਸਨੇ ਆਪਣੀ ਭੈਣ ਅਤੇ ਜੀਜੇ ਦਾ ਕਤਲ ਕਰ ਦਿੱਤਾ।

ਮਾਮਲੇ ਦੀ ਕੀਤੀ ਜਾ ਰਹੀ ਜਾਂਚ-ਐਸਪੀ

ਇਸ ਮਾਮਲੇ ਵਿੱਚ ਐਸਪੀ ਜਸਮੀਤ ਸਿੰਘ ਨੇ ਕਿਹਾ ਕਿ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਮੌਕੇ 'ਤੇ ਪਹੁੰਚ ਗਈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਮੁੱਢਲੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਪਰਿਵਾਰ ਵਿੱਚ ਜ਼ਮੀਨ ਨੂੰ ਲੈ ਕੇ ਝਗੜਾ ਚੱਲ ਰਿਹਾ ਸੀ। ਫਿਲਹਾਲ ਪੁਲਿਸ ਜਾਂਚ ਕਰ ਰਹੀ ਹੈ ਅਤੇ ਜੋ ਵੀ ਤੱਥ ਸਾਹਮਣੇ ਆਉਣਗੇ, ਉਸ ਦੇ ਆਧਾਰ 'ਤੇ ਅਗਲੀ ਕਾਰਵਾਈ ਕੀਤੀ ਜਾਵੇਗੀ ਅਤੇ ਘਟਨਾ ਤੋਂ ਬਾਅਦ ਮੌਕੇ ਤੋਂ ਭੱਜਣ ਵਾਲੇ ਮੁਲਜ਼ਮ ਦੀ ਭਾਲ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।

• 

  ਛੇੜਛਾੜ ਮਾਮਲੇ ਦੇ ਆਰੋਪੀ ਨੇ Custody ਵਿੱਚ ਲਿਆ ਫਾਹਾ, ਪਰਿਵਾਰ ਵਾਲਿਆਂ Police station ਫੂਕਣ ਦੀ ਦਿੱਤੀ ਧਮਕੀ

  Crime

• 

  ਜਮੀਨ ਦੀ ਖਾਤਿਰ ਕਰ ਦਿੱਤਾ ਕਿਸਾਨ ਦਾ Murder, 5 ਮੁਲਜ਼ਮ ਗ੍ਰਿਫਤਾਰ, ਨਹੀਂ ਛੱਡ ਰਹੇ ਸਨ ਕਬਜਾ 

  Crime

• 

  ਗੋਲੀ ਮਾਰ ਕੇ Air Force Officer ਦਾ ਕੀਤਾ ਕਤਲ,ਮੌਕੇ ਤੋਂ ਹਮਲਾਵਰ ਹੋਏ ਫਰਾਰ, 2 ਸਾਲ ਪਹਿਲਾਂ ਟਰਾਂਸਫਰ ਹੋ ਕੇ ਪ੍ਰਯਾਗਰਾਜ ਆਇਆ ਸੀ ਮ੍ਰਿਤਕ

  Crime

• 

  ਪਤੀ ਬਣਿਆ ਹੈਵਾਨ,ਪਤਨੀ ਦਾ ਕਤਲ ਕਰ ਲਾਸ਼ ਸੂਟਕੇਸ ਵਿੱਚ ਕੀਤੀ ਪੈਕ..... ਫੋਨ ਕਰਕੇ ਕਬੂਲਿਆ ਗੁਨਾਹ

  Crime

• 

  ਰੌਂਗਟੇ ਖੜੇ ਕਰਨ ਵਾਲੀ ਘਟਨਾ, 14 ਸਾਲ ਲੜਕੀ ਦਾ ਬੇਹਰਿਮੀ ਨਾਲ ਕਤਲ, ਪਰਿਵਾਰ ਵਾਲੇ ਪੜਨ ਗਏ ਸਨ ਨਮਾਜ਼,

  Crime