ਸਾਈਬਰ ਠੱਗੀ ਦਾ ਵੱਡਾ ਮਾਮਲਾ - ਲੜਕੀ ਨੇ ਆਪਣੇ ਜਾਲ 'ਚ ਫਸਾ ਕੇ ਟੈਲੀਗ੍ਰਾਮ ਐਪ ਰਾਹੀਂ 3 ਕਰੋੜ 72 ਲੱਖ ਠੱਗੇ 

ਸੋਸ਼ਲ ਮੀਡੀਆ 'ਤੇ ਫਾਰੈਕਸ ਟ੍ਰੇਡਿੰਗ (ਵਿਦੇਸ਼ੀ ਮੁਦਰਾ ਵਪਾਰ) ਦਾ ਲਾਲਚ ਦੇ ਕੇ ਇੱਕ ਲੜਕੀ ਨੇ  ਉਸਨੂੰ ਅਜਿਹੇ ਜਾਲ ਵਿੱਚ ਫਸਾ ਲਿਆ ਕਿ ਉਸਨੇ 3 ਕਰੋੜ 72 ਲੱਖ 84 ਹਜ਼ਾਰ 999 ਰੁਪਏ ਗੁਆ ਦਿੱਤੇ।

Cyber Fraud : ਪੰਜਾਬ ਦੇ ਜਿਲ੍ਹਾ ਲੁਧਿਆਣਾ ਦੇ ਸ਼ਹਿਰ ਮਾਛੀਵਾੜਾ ਸਾਹਿਬ ਦੇ ਰਹਿਣ ਵਾਲੇ ਇੱਕ ਕਿਸਾਨ ਨਾਲ ਕਰੋੜਾਂ ਰੁਪਏ ਦੀ ਸਾਈਬਰ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੋਸ਼ਲ ਮੀਡੀਆ 'ਤੇ ਫਾਰੈਕਸ ਟ੍ਰੇਡਿੰਗ (ਵਿਦੇਸ਼ੀ ਮੁਦਰਾ ਵਪਾਰ) ਦਾ ਲਾਲਚ ਦੇ ਕੇ ਇੱਕ ਲੜਕੀ ਨੇ  ਉਸਨੂੰ ਅਜਿਹੇ ਜਾਲ ਵਿੱਚ ਫਸਾ ਲਿਆ ਕਿ ਉਸਨੇ 3 ਕਰੋੜ 72 ਲੱਖ 84 ਹਜ਼ਾਰ 999 ਰੁਪਏ ਗੁਆ ਦਿੱਤੇ। ਇਸ ਮਾਮਲੇ ਵਿੱਚ ਖੰਨਾ ਦੇ ਸਾਈਬਰ ਕ੍ਰਾਈਮ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ ਦਰਜ ਕੀਤੀ ਗਈ ਹੈ। ਪੁਲਿਸ ਤਕਨੀਕੀ ਤਰੀਕਿਆਂ ਦੀ ਵਰਤੋਂ ਕਰਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਦੋਸ਼ੀ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਟੈਲੀਗ੍ਰਾਮ ਐਪ ਤੋਂ ਮੈਸੇਜ ਆਇਆ

ਪੁਲਿਸ ਕੋਲ ਦਰਜ ਕਰਵਾਈ ਸ਼ਿਕਾਇਤ ਵਿੱਚ 57 ਸਾਲਾ ਸੰਜੀਵ ਪਾਂਧੀ, ਵਾਸੀ ਮਕਾਨ ਨੰਬਰ 1996, ਕ੍ਰਿਸ਼ਨਾਪੁਰੀ ਮੁਹੱਲਾ, ਵਾਰਡ ਨੰਬਰ 4, ਮਾਛੀਵਾੜਾ ਸਾਹਿਬ, ਨੇ ਕਿਹਾ ਕਿ ਇੱਕ ਅਣਜਾਣ ਕੁੜੀ ਨੇ ਉਸਨੂੰ ਟੈਲੀਗ੍ਰਾਮ ਐਪ 'ਤੇ sunainagupta@199 ਆਈਡੀ ਤੋਂ ਮੈਸੇਜ ਭੇਜਿਆ। ਉਸਨੂੰ ਫਾਰੇਕਸ ਟ੍ਰੇਡਿੰਗ ਕਰਨ ਲਈ ਕਿਹਾ ਗਿਆ। ਉਸਨੂੰ ਤਿੰਨ ਗੁਣਾ ਮੁਨਾਫ਼ੇ ਦਾ ਵਾਅਦਾ ਕਰਕੇ ਲੁਭਾਇਆ ਗਿਆ ਸੀ। ਜਿਸ ਤੋਂ ਬਾਅਦ admirals markets global ltd. 'ਤੇ ਉਸਦਾ ਟ੍ਰੇਡਿੰਗ ਖਾਤਾ ਖੋਲ੍ਹ ਦਿੱਤਾ ਗਿਆ ਸੀ। ਇਸ ਖਾਤੇ ਰਾਹੀਂ ਲੈਣ-ਦੇਣ ਸ਼ੁਰੂ ਕੀਤਾ ਗਿਆ ਸੀ।
 

ਖਾਤੇ ਵਿੱਚ 1 ਕਰੋੜ ਰੁਪਏ ਤੋਂ ਵੱਧ ਟ੍ਰਾਂਸਫਰ 

ਸ਼ਿਕਾਇਤਕਰਤਾ ਦੇ ਅਨੁਸਾਰ, ਫਾਰੇਕਸ ਟ੍ਰੇਡਿੰਗ ਦੇ ਨਾਮ 'ਤੇ ਖੋਲ੍ਹੇ ਗਏ ਉਕਤ ਖਾਤੇ ਵਿੱਚ 18 ਦਸੰਬਰ, 2024 ਤੱਕ ਵੱਖ-ਵੱਖ ਤਰੀਕਾਂ 'ਤੇ ਉਸ ਤੋਂ ਕੁੱਲ 1 ਕਰੋੜ 4 ਲੱਖ 44 ਹਜ਼ਾਰ 999 ਰੁਪਏ ਟ੍ਰਾਂਸਫਰ ਕਰਾਏ ਗਏ। ਇਸ ਤੋਂ ਬਾਅਦ ਉਸਨੂੰ ਕਾਰੋਬਾਰ ਵਿੱਚ ਮੁਨਾਫ਼ਾ ਦਿਖਾਇਆ ਗਿਆ। ਉਸਦੇ ਟਰੇਡਿੰਗ ਖਾਤੇ ਵਿੱਚ 3 ਕਰੋੜ 66 ਲੱਖ 16 ਲੱਖ 595 ਰੁਪਏ ਦਿਖਾਏ ਗਏ। ਉਸਨੂੰ ਲੱਗਾ ਕਿ ਕਾਰੋਬਾਰ ਸੁਚਾਰੂ ਢੰਗ ਨਾਲ ਚੱਲ ਰਿਹਾ ਹੈ ਅਤੇ ਮੁਨਾਫ਼ਾ ਉਸਨੂੰ ਭੇਜਿਆ ਜਾ ਰਿਹਾ ਹੈ। ਜਦੋਂ ਉਸਨੇ ਇਹ ਰਕਮ ਕਢਵਾਉਣ ਦੀ ਕੋਸ਼ਿਸ਼ ਕੀਤੀ, ਤਾਂ ਉਹ ਅਜਿਹਾ ਕਰਨ ਵਿੱਚ ਸਫਲ ਨਹੀਂ ਹੋਇਆ। ਪੈਸੇ ਕਢਵਾਉਣ ਲਈ ਉਸਤੋਂ 24 ਲੱਖ ਰੁਪਏ ਦਾ  ਟੈਕਸ ਜਮ੍ਹਾ ਕਰਵਾਇਆ ਗਿਆ।

ਖਾਤਾ ਫ੍ਰੀਜ਼ ਹੋਣ ਦੀ ਗੱਲ ਆਖੀ

ਸ਼ਿਕਾਇਤਕਰਤਾ ਸੰਜੀਵ ਪਾਂਡੇ ਦੇ ਅਨੁਸਾਰ, ਜਦੋਂ ਉਸਨੇ 24 ਲੱਖ ਰੁਪਏ ਟੈਕਸ ਵਜੋਂ ਜਮ੍ਹਾਂ ਕਰਵਾਉਣ ਤੋਂ ਬਾਅਦ ਪੈਸੇ ਕਢਵਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸਨੂੰ ਦੱਸਿਆ ਗਿਆ ਕਿ ਖਾਤਾ ਫ੍ਰੀਜ਼ ਕਰ ਦਿੱਤਾ ਗਿਆ ਹੈ ਕਿਉਂਕਿ ਇਹ ਰਕਮ 1 ਕਰੋੜ ਰੁਪਏ ਤੋਂ ਵੱਧ ਸੀ। ਜਿਸ ਲਈ ਹੁਣ 80 ਲੱਖ ਰੁਪਏ ਹੋਰ ਜਮ੍ਹਾ ਕਰਵਾਉਣੇ ਪੈਣਗੇ। ਆਪਣੀ ਪਹਿਲੀ ਰਕਮ ਬਚਾਉਣ ਦੇ ਇਰਾਦੇ ਨਾਲ ਉਸਨੇ ਸਾਈਬਰ ਧੋਖਾਧੜੀ ਕਰਨ ਵਾਲਿਆਂ ਦੇ ਨਿਰਦੇਸ਼ਾਂ ਅਨੁਸਾਰ ਹੋਰ ਪੈਸੇ ਜਮ੍ਹਾ ਕਰਵਾਏ। ਇਸ ਤਰ੍ਹਾਂ, 10 ਫਰਵਰੀ, 2025 ਤੱਕ, ਉਸਨੇ ਕੁੱਲ 3 ਕਰੋੜ 72 ਲੱਖ 84 ਹਜ਼ਾਰ 999 ਰੁਪਏ ਵੱਖ-ਵੱਖ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰ ਦਿੱਤੇ ਸਨ। ਬਾਅਦ ਵਿੱਚ ਉਸਨੂੰ ਅਹਿਸਾਸ ਹੋਇਆ ਕਿ ਉਹ ਧੋਖਾਧੜੀ ਦਾ ਸ਼ਿਕਾਰ ਹੋ ਗਿਆ ਹੈ। ਉਸਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਸਾਈਬਰ ਕ੍ਰਾਈਮ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਇੰਸਪੈਕਟਰ ਗੁਰਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਮਾਮਲੇ ਦਾ ਪਤਾ ਲਗਾਉਣ ਅਤੇ ਮੁਲਜ਼ਮਾਂ ਦੀ ਪਛਾਣ ਕਰਨ ਅਤੇ ਸ਼ਿਕਾਇਤਕਰਤਾ ਦੇ ਪੈਸੇ ਵਾਪਸ ਦਿਵਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।

• 

  Bengaluru ਵਿੱਚ ਵੇਟਰਾਂ ਨੇ ਹੋਟਲ ਦੀ ਛੱਤ 'ਤੇ ਔਰਤ ਨਾਲ ਕੀਤਾ Gang rape, 4 ਗ੍ਰਿਫ਼ਤਾਰ

  Crime

• 

  ਤਰਨਤਾਰਨ 'ਚ ਐਨਕਾਉਂਟਰ, ਪ੍ਰਭ ਦਾਸੂਵਾਲ ਗੈਂਗ ਦੇ 3 ਗੁਰਗੇ ਫੜੇ

  Crime

• 

  ਹੋਸਟਲ ਦੇ ਕਮਰੇ ਚੋਂ ਵਿਦਿਆਰਥੀ ਦੀ ਫਾਂਸੀ ਨਾਲ ਲਟਕਦੀ ਲਾਸ਼ ਮਿਲੀ

  Crime

• 

  ਪ੍ਰੀਖਿਆ ਵਿੱਚ ਨਕਲ ਦੀ ਇਜਾਜ਼ਤ ਨਾ ਮਿਲਣ ਕਰਕੇ ਚਲਾਈਆਂ ਗੋਲੀਆਂ, 10ਵੀਂ ਦੇ ਵਿਦਿਆਰਥੀ ਦੀ ਮੌਤ, ਇੱਕ ਗੰਭੀਰ

  Crime

• 

  ਬੰਗਲੁਰੂ ਵਿੱਚ ਨਾਈਜੀਰੀਅਨ ਨੂੰ ਕੁੱਟ-ਕੁੱਟ ਮਾਰਿਆ; ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਸ਼ੱਕ 'ਚ ਲੜਾਈ, ਇੱਕ ਗ੍ਰਿਫ਼ਤਾਰ

  Crime