जनभावना टाइम्स India Daily English इंडिया डेली लाइव
facebook twitter instagram

ਟਾਟਾ ਦੇ ਚੇਅਰਮੈਨ ਨੂੰ ਫਰਾਂਸ ਦਾ ਸਰਵਉੱਚ ਨਾਗਰਿਕ ਪੁਰਸਕਾਰ ਭੇਂਟ

ਟਾਟਾ ਸੰਨਜ਼ ਦੇ ਚੇਅਰਮੈਨ ਐਨ. ਚੰਦਰਸ਼ੇਖਰਨ ਨੂੰ ਭਾਰਤ ਅਤੇ ਫਰਾਂਸ ਵਿਚਕਾਰ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਕਾਰੋਬਾਰ ਬਣਾਉਣ ਲਈ ਫਰਾਂਸ ਦੇ ਸਰਵਉੱਚ ਯੋਗਤਾ ਵਾਲੇ ‘ਲੀਜਨ ਡੀ’ ਆਨਰ’ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। 59 ਸਾਲਾ ਚੰਦਰਸ਼ੇਖਰਨ ਨੂੰ ਇਹ ਪੁਰਸਕਾਰ ਮੰਗਲਵਾਰ ਨੂੰ ਪੈਰਿਸ ਵਿੱਚ ਵਿਦੇਸ਼ ਮੰਤਰਾਲੇ ਵਿੱਚ ਯੂਰਪ ਅਤੇ ਵਿਦੇਸ਼ ਮਾਮਲਿਆਂ ਦੀ ਮੰਤਰੀ ਕੈਥਰੀਨ ਕੋਲੋਨਾ ਦੁਆਰਾ ਭੇਂਟ […]

Sweety Kaur
  • Last Updated : 18 May 2023, 12:55 PM IST

Share:

ਟਾਟਾ ਸੰਨਜ਼ ਦੇ ਚੇਅਰਮੈਨ ਐਨ. ਚੰਦਰਸ਼ੇਖਰਨ ਨੂੰ ਭਾਰਤ ਅਤੇ ਫਰਾਂਸ ਵਿਚਕਾਰ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਕਾਰੋਬਾਰ ਬਣਾਉਣ ਲਈ ਫਰਾਂਸ ਦੇ ਸਰਵਉੱਚ ਯੋਗਤਾ ਵਾਲੇ ‘ਲੀਜਨ ਡੀ’ ਆਨਰ’ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। 59 ਸਾਲਾ ਚੰਦਰਸ਼ੇਖਰਨ ਨੂੰ ਇਹ ਪੁਰਸਕਾਰ ਮੰਗਲਵਾਰ ਨੂੰ ਪੈਰਿਸ ਵਿੱਚ ਵਿਦੇਸ਼ ਮੰਤਰਾਲੇ ਵਿੱਚ ਯੂਰਪ ਅਤੇ ਵਿਦੇਸ਼ ਮਾਮਲਿਆਂ ਦੀ ਮੰਤਰੀ ਕੈਥਰੀਨ ਕੋਲੋਨਾ ਦੁਆਰਾ ਭੇਂਟ ਕੀਤਾ ਗਿਆ। ਉਹਨਾਂ ਨੇ ਕਿਹਾ ਕਿ ਮੈਨੂੰ ਗਣਰਾਜ ਦੇ ਰਾਸ਼ਟਰਪਤੀ ਦੀ ਤਰਫੋਂ ਸ਼ੈਵਲੀਅਰ ਡੇ ਲਾ ਲੀਜਨ ਡੀ’ ਓਨੀਅਰ ਦੇ ਚਿੰਨ੍ਹ ਨੂੰ ਸੀ.ਈ.ਓ. ਨੂੰ ਭੇਂਟ ਕਰਕੇ ਬਹੁਤ ਖੁਸ਼ੀ ਹੋਈ। 

ਲੀਜਨ ਆਫ਼ ਆਨਰ ਸਿਵਲ ਅਤੇ ਮਿਲਟਰੀ ਦੋਵਾਂ ਯੋਗਤਾ ਲਈ ਸਭ ਤੋਂ ਉੱਚਾ ਫ੍ਰੈਂਚ ਆਰਡਰ ਹੈ। ਇਸਦੀ ਸਥਾਪਨਾ 1802 ਵਿੱਚ ਨੈਪੋਲੀਅਨ ਬੋਨਾਪਾਰਟ ਦੁਆਰਾ ਕੀਤੀ ਗਈ ਸੀ।

ਫਰਾਂਸ ਭਾਰਤ ਦੇ ਸਭ ਤੋਂ ਵੱਡੇ ਵਿਗਿਆਨਕ ਭਾਈਵਾਲਾਂ ਵਿੱਚੋਂ ਇੱਕ ਹੈ ਜਿਸ ਦੇ ਕਿ ਦੇਸ਼ ਵਿੱਚ 25 ਤੋਂ ਵੱਧ ਖੋਜ ਅਤੇ ਵਿਕਾਸ ਕੇਂਦਰ, 15 ਸੰਯੁਕਤ ਇੰਡੋ-ਫ੍ਰੈਂਚ ਖੋਜ ਪ੍ਰਯੋਗਸ਼ਾਲਾਵਾਂ ਅਤੇ 500 ਸਹਿਯੋਗੀ ਪ੍ਰੋਜੈਕਟ ਹਨ।

ਫਰਾਂਸ ਵਿੱਚ ਟਾਟਾ ਗਰੁੱਪ ਦੀਆਂ ਕੰਪਨੀਆਂ:

ਇੰਡੋ-ਫ੍ਰੈਂਚ ਚੈਂਬਰ ਆਫ ਕਾਮਰਸ ਐਂਡ ਇੰਡਸਟਰੀ (ਆਈ.ਐੱਫ.ਸੀ.ਸੀ.ਆਈ.) ਦੇ ਡਾਇਰੈਕਟਰ ਜਨਰਲ ਪਾਇਲ ਐਸ. ਕੰਵਰ ਅਨੁਸਾਰ, ਇਸ ਸਮੇਂ ਫਰਾਂਸ ਵਿੱਚ ਟਾਟਾ ਸਮੂਹ ਦੀਆਂ 10 ਕੰਪਨੀਆਂ ਕਾਰਜਸ਼ੀਲ ਹਨ।

ਕੰਵਰ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਲਿਖਿਆ ਕਿ ਟਾਟਾ ਪਰਿਵਾਰ ਦੇ ਫਰਾਂਸ ਨਾਲ ਡੂੰਘੇ ਸਬੰਧ ਹਨ ਕਿਉਂਕਿ ਕਿ ਜੇ.ਆਰ.ਡੀ. ਟਾਟਾ ਅੱਧੇ ਫ੍ਰੈਂਚ ਸਨ ਅਤੇ ਪੈਰਿਸ ਵਿੱਚ ਸਿਮੋਨ ਟਾਟਾ ਦੇ ਘਰ ਪੈਦਾ ਹੋਏ ਸਨ ਜੋ ਇਤਫਾਕਨ ਆਈ.ਐੱਫ.ਸੀ.ਸੀ.ਆਈ. ਦੇ ਸੰਸਥਾਪਕਾਂ ਵਿੱਚੋਂ ਇੱਕ ਸਨ।

ਪਿਛਲੇ ਸਾਲ ਚੰਦਰਸ਼ੇਖਰਨ ਨੂੰ 100 ਬਿਲੀਅਨ ਡਾਲਰ ਤੋਂ ਵੱਧ ਦੀ ਕੁੱਲ ਸਾਲਾਨਾ ਆਮਦਨ ਵਾਲੀਆਂ 100 ਤੋਂ ਵੱਧ ਟਾਟਾ ਓਪਰੇਟਿੰਗ ਕੰਪਨੀਆਂ ਦੀ ਹੋਲਡਿੰਗ ਕੰਪਨੀ ਅਤੇ ਪ੍ਰਮੋਟਰ ਦੇ ਤੌਰ ’ਤੇ ਟਾਟਾ ਸੰਨਜ਼ ਦੇ ਚੇਅਰਮੈਨ ਵਜੋਂ ਅਗਲੇ ਪੰਜ ਸਾਲਾਂ ਲਈ ਚੁਣਿਆ ਗਿਆ।

ਉਹ ਟਾਟਾ ਸਟੀਲ, ਟਾਟਾ ਮੋਟਰਜ਼, ਟਾਟਾ ਪਾਵਰ, ਟਾਟਾ ਗਲੋਬਲ ਬੇਵਰੇਜ, ਇੰਡੀਅਨ ਹੋਟਲਜ਼ ਕੰਪਨੀ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀ.ਸੀ.ਐਸ.) ਸਮੇਤ ਕਈ ਸਮੂਹ ਸੰਚਾਲਨ ਕੰਪਨੀਆਂ ਦੇ ਬੋਰਡਾਂ ਦੀ ਪ੍ਰਧਾਨਗੀ ਵੀ ਕਰਦੇ ਹਨ ਜਿਸ ਦੇ ਉਹ 2009-17 ਤੋਂ ਮੁੱਖ ਕਾਰਜਕਾਰੀ ਰਹੇ ਹਨ। ਟਾਟਾ ਵਿੱਚ ਆਪਣੇ ਪੇਸ਼ੇਵਰ ਕਰੀਅਰ ਤੋਂ ਇਲਾਵਾ ਚੰਦਰਾ ਨੂੰ 2016 ਵਿੱਚ ਭਾਰਤ ਦੇ ਕੇਂਦਰੀ ਬੈਂਕ, ਭਾਰਤੀ ਰਿਜ਼ਰਵ ਬੈਂਕ ਦੇ ਬੋਰਡ ਵਿੱਚ ਇੱਕ ਨਿਰਦੇਸ਼ਕ ਵਜੋਂ ਵੀ ਨਿਯੁਕਤ ਕੀਤਾ ਗਿਆ ਸੀ। ਉਨ੍ਹਾਂ ਨੂੰ 2018 ਵਿੱਚ ਸਿੰਗਾਪੁਰ ਦੇ ਆਰਥਿਕ ਵਿਕਾਸ ਬੋਰਡ ਦੀ ਅੰਤਰਰਾਸ਼ਟਰੀ ਸਲਾਹਕਾਰ ਕੌਂਸਲ ਵਿੱਚ ਵੀ ਨਿਯੁਕਤ ਕੀਤਾ ਗਿਆ ਸੀ।

Tags :

Related News
×