ਟਾਟਾ ਗਰੁੱਪ ਯੂਕੇ ਦੀ ਇਲੈਕਟ੍ਰਿਕ ਬੈਟਰੀ ਫੈਕਟਰੀ ’ਚ ਕਰੇਗਾ ਨਿਵੇਸ਼

ਯੂਕੇ ਸਰਕਾਰ ਅਤੇ ਕੰਪਨੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਭਾਰਤੀ ਟਾਟਾ ਗਰੁੱਪ ਦੱਖਣ-ਪੱਛਮੀ ਇੰਗਲੈਂਡ ਵਿੱਚ ਇੱਕ ਵਿਸ਼ਾਲ ਬੈਟਰੀ ਪਲਾਂਟ ਵਿੱਚ 4 ਬਿਲੀਅਨ ਪੌਂਡ ($ 5.2 ਬਿਲੀਅਨ) ਤੋਂ ਵੱਧ ਦਾ ਨਿਵੇਸ਼ ਕਰੇਗਾ ਜੋ ਹਜ਼ਾਰਾਂ ਨੌਕਰੀਆਂ ਪੈਦਾ ਕਰੇਗਾ। ਟਾਟਾ ਦੇ ਚੇਅਰਮੈਨ ਐਨ. ਚੰਦਰਸ਼ੇਖਰਨ ਨੇ ਕਿਹਾ, “ਟਾਟਾ ਗਰੁੱਪ ਯੂਕੇ ਵਿੱਚ ਯੂਰਪ ਦੀ ਸਭ ਤੋਂ ਵੱਡੀ ਬੈਟਰੀ ਸੈੱਲ ਨਿਰਮਾਣ […]

ਯੂਕੇ ਸਰਕਾਰ ਅਤੇ ਕੰਪਨੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਭਾਰਤੀ ਟਾਟਾ ਗਰੁੱਪ ਦੱਖਣ-ਪੱਛਮੀ ਇੰਗਲੈਂਡ ਵਿੱਚ ਇੱਕ ਵਿਸ਼ਾਲ ਬੈਟਰੀ ਪਲਾਂਟ ਵਿੱਚ 4 ਬਿਲੀਅਨ ਪੌਂਡ ($ 5.2 ਬਿਲੀਅਨ) ਤੋਂ ਵੱਧ ਦਾ ਨਿਵੇਸ਼ ਕਰੇਗਾ ਜੋ ਹਜ਼ਾਰਾਂ ਨੌਕਰੀਆਂ ਪੈਦਾ ਕਰੇਗਾ। ਟਾਟਾ ਦੇ ਚੇਅਰਮੈਨ ਐਨ. ਚੰਦਰਸ਼ੇਖਰਨ ਨੇ ਕਿਹਾ, “ਟਾਟਾ ਗਰੁੱਪ ਯੂਕੇ ਵਿੱਚ ਯੂਰਪ ਦੀ ਸਭ ਤੋਂ ਵੱਡੀ ਬੈਟਰੀ ਸੈੱਲ ਨਿਰਮਾਣ ਫੈਸਿਲਿਟੀ ਵਿੱਚੋਂ ਇੱਕ ਦੀ ਸਥਾਪਨਾ ਕਰੇਗਾ। ਸਾਡਾ ਬਹੁ-ਅਰਬ-ਪਾਊਂਡ ਨਿਵੇਸ਼ ਦੇਸ਼ ਵਿੱਚ ਅਤਿ-ਆਧੁਨਿਕ ਤਕਨਾਲੋਜੀ ਲਿਆਏਗਾ।”

ਭਾਰਤ ਤੋਂ ਬਾਹਰ ਟਾਟਾ ਗਰੁੱਪ ਦੀ ਪਹਿਲੀ ਗੀਗਾਫੈਕਟਰੀ ਸਮਰਸੈਟ ਵਿੱਚ ਬਣਾਈ ਜਾਵੇਗੀ ਜਿਸਨੂੰ ਕਿ ਸਾਈਟ ਲਈ ਟਾਟਾ ਨੇ ਕਥਿਤ ਤੌਰ ਤੇ ਸਪੇਨ ਨੂੰ ਮੁਕਾਬਲੇ ਵਿੱਚ ਹਰਾਇਆ। ਫੈਕਟਰੀ ਵਿੱਚ ਉਤਪਾਦਨ 2026 ਨੂੰ ਸ਼ੁਰੂ ਹੋਣਾ ਹੈ, ਜਿਸ ਨਾਲ 4,000 ਨੌਕਰੀਆਂ ਪੈਦਾ ਹੋਣਗੀਆਂ ਅਤੇ ਵਿਆਪਕ ਸਪਲਾਈ ਲੜੀ ਵਿੱਚ ਹਜ਼ਾਰਾਂ ਹੋਰ ਦੀ ਉਮੀਦ ਹੈ। ਨਿਵੇਸ਼ ਯੂਕੇ ਦੀ ਬੈਟਰੀ ਨਿਰਮਾਣ ਸਮਰੱਥਾ ਨੂੰ ਵਧਾਏਗਾ ਜੋਕਿ ਇਲੈਕਟ੍ਰਿਕ ਵਾਹਨ ਉਦਯੋਗ ਨੂੰ ਸਮਰਥਨ ਦੇਣ ਲਈ ਮਹੱਤਵਪੂਰਨ ਹੈ। 

ਬ੍ਰਿਟੇਨ 2030 ਤੋਂ ਨਵੀਆਂ ਉੱਚ-ਪ੍ਰਦੂਸ਼ਣ ਕਰਨ ਵਾਲੀਆਂ ਡੀਜ਼ਲ ਅਤੇ ਪੈਟਰੋਲ ਕਾਰਾਂ ਦੀ ਵਿਕਰੀ ’ਤੇ ਪਾਬੰਦੀ ਲਗਾਉਣ ਦੀ ਯੋਜਨਾ ਬਣਾ ਰਿਹਾ ਹੈ, ਜਿਸ ਨਾਲ ਇਹ ਆਪਣੇ ਕਾਰ ਨਿਰਮਾਣ ਸੈਕਟਰ ਦੇ ਉਤਪਾਦਨ ਨੂੰ ਇਲੈਕਟ੍ਰਿਕ ਵਾਹਨਾਂ ਵਿੱਚ ਬਦਲੇਗਾ। ਇਹ ਟੀਚਾ ਜਲਵਾਯੂ ਪਰਿਵਰਤਨ ਨਾਲ ਨਜਿੱਠਣ ਵਿੱਚ ਮਦਦ ਕਰਨ ਲਈ 2050 ਤੱਕ ਸਵੱਛ ਜ਼ੀਰੋ ਕਾਰਬਨ ਨਿਕਾਸ ਪ੍ਰਾਪਤੀ ਦੇ ਦੀਰਘਕਾਲੀਨ ਉਦੇਸ਼ ਦਾ ਹਿੱਸਾ ਹੈ। ਯੂਕੇ ਦੇ ਵਪਾਰ ਸਕੱਤਰ ਕੇਮੀ ਬੈਡੇਨੋਚ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਬਹੁ-ਬਿਲੀਅਨ ਪੌਂਡ ਨਿਵੇਸ਼ ਨੇ ਦਿਖਾਇਆ ਹੈ ਕਿ ਜਦੋਂ ਇਹ ਆਟੋਮੋਟਿਵ ਸੈਕਟਰ ਦੀ ਗੱਲ ਆਉਂਦੀ ਹੈ ਤਾਂ ਸਰਕਾਰ ਕੋਲ ਇੱਕ ਸਹੀ ਯੋਜਨਾ ਹੈ।” 

ਵਾਤਾਵਰਣ ਸੰਸਥਾ ਗ੍ਰੀਨਪੀਸ ਨੇ ਇਸ ਘੋਸ਼ਣਾ ਦਾ ਯੂਕੇ ਕਾਰ ਉਦਯੋਗ ਲਈ ਮਹੱਤਵਪੂਰਨ ਪਲ ਦੱਸਿਆ। ਉਸਨੇ ਇੱਕ ਸੰਕੇਤ ਵਜੋਂ ਸਵਾਗਤ ਕੀਤਾ ਕਿ ਸਰਕਾਰ ਨੇ ਅੰਤ ਵਿੱਚ ਅੰਤਰਰਾਸ਼ਟਰੀ ਪ੍ਰਦੂਸ਼ਣ ਰਹਿਤ ਤਕਨਾਲੋਜੀ ਦੀ ਦੌੜ ਵਿੱਚ ਕੰਮ ਸ਼ੁਰੂ ਕਰ ਦਿੱਤਾ ਹੈ ਅਤੇ ਇਹ ਹੋਰ ਤੇਜ਼ੀ ਨਾਲ ਅੱਗੇ ਵੱਧ ਸਕਦਾ ਹੈ। ਗ੍ਰੀਨਪੀਸ ਦੇ ਸੀਨੀਅਰ ਜਲਵਾਯੂ ਪ੍ਰਚਾਰਕ ਪਾਲ ਮੋਰੋਜ਼ੋ ਨੇ ਫਿਰ ਵੀ ਚੇਤਾਵਨੀ ਦਿੱਤੀ ਹੈ ਕਿ ਯੂਕੇ ਸਰਕਾਰ ਨੂੰ ਪੈਟਰੋਲ ਅਤੇ ਡੀਜ਼ਲ ਵਾਹਨਾਂ ਨੂੰ ਪੜਾਅਵਾਰ ਖਤਮ ਕਰਨ ਦੀ ਆਪਣੀ ਯੋਜਨਾ ਦੇ ਨਾਲ ਟਰੈਕ ’ਤੇ ਰਹਿਣਾ ਚਾਹੀਦਾ ਹੈ। ਉਸਨੇ ਕਿਹਾ, “ਅਜਿਹਾ ਕਰਨ ਵਿੱਚ ਅਸਫਲ ਰਹਿਣ ਦਾ ਮਤਲਬ ਹੋਵੇਗਾ ਯੂਕੇ ਵਿੱਚ ਕਿਸੇ ਵੀ ਸਾਰਥਕ ਇਲੈਕਟ੍ਰਿਕ ਵਾਹਨ ਨਿਰਮਾਣ ਖੇਤਰ ਨੂੰ ਅਲਵਿਦਾ ਕਹਿਣਾ।” ਇਹ ਬਿਆਨ ਇਸ ਨਵੀਂ ਗੀਗਾਫੈਕਟਰੀ ਦੀ ਪਰਵਾਹ ਕੀਤੇ ਬਿਨਾਂ ਆਇਆ ਹੈ ਕਿਉੰਕਿ ਇਸ ਫੈਕਟਰੀ ਨਾਲ ਘਰੇਲੂ ਕਾਰ ਨਿਰਮਾਣ ਨੂੰ ਖਤਰਾ ਹੈ।

• 

  ਕੀ ਤੁਸੀਂ ਸ਼ੇਅਰ ਬਾਜ਼ਾਰ ਵਿੱਚ ਵੀ ਪੈਸਾ ਨਿਵੇਸ਼ ਕਰਦੇ ਹੋ? ਨਿਵੇਸ਼ਕਾਂ ਨੂੰ 100 ਦਿਨਾਂ 'ਚ 60 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ

  business

• 

  'ਅਡਾਨੀ ਦੇ ਸ਼ੇਅਰਾਂ 'ਚ ਬੰਪਰ ਉਛਾਲ, 19.3 ਫੀਸਦੀ ਦੇ ਵਾਧੇ ਨੇ ਬਜ਼ਾਰ 'ਚ ਹਲਚਲ ਮਚਾਈ'

  business

• 

  ਰੁਪਏ 'ਤੇ 'ਟਰੰਪ ਦਾ ਗੁੱਸਾ' ਅਸਥਾਈ ਹੋ ਸਕਦਾ ਹੈ: SBI ਦੀ ਰਿਪੋਰਟ

  business

• 

  AI ਕਾਰਨ ਖ਼ਤਰੇ ਵਿੱਚ ਨੌਕਰੀਆਂ, 41% ਕੰਪਨੀਆਂ 2025 ਵਿੱਚ ਕਰਮਚਾਰੀਆਂ ਦੀ ਕਟੌਤੀ ਕਰਨਗੀਆਂ; ਤੁਰੰਤ ਪੜ੍ਹੋ...

  business

• 

  ਮਾਈਕ੍ਰੋਸਾਫਟ ਕਰਨ ਜਾ ਰਿਹਾ ਕਰਮਚਾਰੀਆਂ ਦਾ ਛਾਂਟੀ,ਬੁਲਾਰੇ ਨੇ ਕਿਹਾ- ਕੰਮ ਚੰਗਾ ਹੋਵੇਗਾ ਤਾਂ ਹੀ ਬਚੇਗੀ ਨੌਕਰੀ

  business