Top Gear ਕਾਰਾਂ ਦੀ ਵਿਕਰੀ ਵਧੀ, ਮਾਰੂਤੀ ਅਤੇ ਮਹਿੰਦਰਾ ਨੇ ਬਣਾ ਦਿੱਤੇ ਨਵੇਂ ਰਿਕਾਰਡ 

ਘਰੇਲੂ ਵਾਹਨ ਨਿਰਮਾਤਾ ਟਾਟਾ ਮੋਟਰਜ਼ ਨੇ ਪਿਛਲੇ ਮਹੀਨੇ ਘਰੇਲੂ ਪੱਧਰ 'ਤੇ 84,276 ਇਕਾਈਆਂ ਵੇਚੀਆਂ ਜਦੋਂ ਕਿ ਜਨਵਰੀ 2023 ਵਿਚ ਇਹ ਅੰਕੜਾ 79,681 ਯੂਨਿਟ ਸੀ। ਇਸਦੀ ਕੁੱਲ ਵਾਹਨਾਂ ਦੀ ਵਿਕਰੀ ਸਾਲ ਦਰ ਸਾਲ ਛੇ ਫੀਸਦੀ ਵਧ ਕੇ 86,125 ਯੂਨਿਟ ਹੋ ਗਈ।

Auto News: ਨਵੇਂ ਸਾਲ ਦੀ ਸ਼ੁਰੂਆਤ ਤੋਂ ਹੀ ਵਾਹਨਾਂ ਦੀ ਵਿਕਰੀ ਟਾਪ ਗੇਅਰ ਵਿੱਚ ਰਹੀ ਹੈ। ਜ਼ਿਆਦਾਤਰ ਆਟੋ ਕੰਪਨੀਆਂ ਨੇ ਪਿਛਲੇ ਮਹੀਨੇ ਇਕ ਸਾਲ ਪਹਿਲਾਂ ਨਾਲੋਂ ਜ਼ਿਆਦਾ ਵਿਕਰੀ ਕੀਤੀ ਹੈ। ਜਨਵਰੀ 2024 ਵਿੱਚ ਮਾਰੂਤੀ ਸੁਜ਼ੂਕੀ ਇੰਡੀਆ, ਟਾਟਾ ਮੋਟਰਜ਼, ਹੁੰਡਈ ਮੋਟਰ ਇੰਡੀਆ, ਮਹਿੰਦਰਾ ਐਂਡ ਮਹਿੰਦਰਾ, ਬਜਾਜ ਆਟੋ ਅਤੇ ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਦੀ ਵਿਕਰੀ ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ ਕਾਫ਼ੀ ਵਾਧਾ ਹੋਇਆ ਹੈ। ਮਾਰੂਤੀ ਸੁਜ਼ੂਕੀ ਪਿਛਲੇ ਮਹੀਨੇ ਆਪਣੀ ਰਿਕਾਰਡ ਵਿਕਰੀ ਦਾ ਅੰਕੜਾ ਹਾਸਲ ਕਰਨ 'ਚ ਸਫਲ ਰਹੀ ਸੀ।

ਕੰਪਨੀ ਦੀ ਕੁੱਲ ਵਾਹਨ ਵਿਕਰੀ ਜਨਵਰੀ 'ਚ 15.5 ਫੀਸਦੀ ਵਧ ਕੇ 1,99,364 ਇਕਾਈ ਹੋ ਗਈ ਜੋ ਪਿਛਲੇ ਸਾਲ ਇਸੇ ਮਹੀਨੇ 1,72,535 ਇਕਾਈ ਸੀ। ਇਹ ਇਸਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਮਹੀਨਾਵਾਰ ਵਿਕਰੀ ਸੀ। ਮਾਰੂਤੀ ਸੁਜ਼ੂਕੀ ਦੀ ਕੁੱਲ ਘਰੇਲੂ ਵਿਕਰੀ 13 ਫੀਸਦੀ ਵਧ ਕੇ 1,70,214 ਇਕਾਈ 'ਤੇ ਪਹੁੰਚ ਗਈ ਜੋ ਇਕ ਸਾਲ ਪਹਿਲਾਂ ਇਸੇ ਮਹੀਨੇ 1,51,367 ਇਕਾਈ ਸੀ। 

Tata Motors ਦੀਆਂ ਗੱਡੀਆਂ ਦੀ ਜ਼ਬਰਦਸਤ ਮੰਗ

ਘਰੇਲੂ ਵਾਹਨ ਨਿਰਮਾਤਾ ਟਾਟਾ ਮੋਟਰਜ਼ ਨੇ ਪਿਛਲੇ ਮਹੀਨੇ ਘਰੇਲੂ ਪੱਧਰ 'ਤੇ 84,276 ਇਕਾਈਆਂ ਵੇਚੀਆਂ ਜਦੋਂ ਕਿ ਜਨਵਰੀ 2023 ਵਿਚ ਇਹ ਅੰਕੜਾ 79,681 ਯੂਨਿਟ ਸੀ। ਇਸਦੀ ਕੁੱਲ ਵਾਹਨਾਂ ਦੀ ਵਿਕਰੀ ਸਾਲ ਦਰ ਸਾਲ ਛੇ ਫੀਸਦੀ ਵਧ ਕੇ 86,125 ਯੂਨਿਟ ਹੋ ਗਈ। ਹੁੰਡਈ ਮੋਟਰ ਇੰਡੀਆ ਦੀ ਥੋਕ ਵਿਕਰੀ ਜਨਵਰੀ 'ਚ 8.5 ਫੀਸਦੀ ਵਧ ਕੇ 67,615 ਯੂਨਿਟ ਰਹੀ। ਕੰਪਨੀ ਨੇ ਪਿਛਲੇ ਸਾਲ ਇਸੇ ਮਹੀਨੇ 62,276 ਯੂਨਿਟ ਵੇਚੇ ਸਨ।

ਹੁੰਡਈ ਦੀ ਘਰੇਲੂ ਵਿਕਰੀ ਪਿਛਲੇ ਮਹੀਨੇ 14 ਫੀਸਦੀ ਵਧ ਕੇ 57,115 ਇਕਾਈ ਹੋ ਗਈ ਜੋ ਇਕ ਸਾਲ ਪਹਿਲਾਂ ਦੀ ਮਿਆਦ 'ਚ 50,106 ਇਕਾਈ ਸੀ। ਟੋਇਟਾ ਕਿਰਲੋਸਕਰ ਮੋਟਰ ਨੇ ਜਨਵਰੀ ਵਿੱਚ 24,609 ਵਾਹਨਾਂ ਦੀ ਡਿਲੀਵਰੀ ਦੇ ਨਾਲ ਆਪਣੀ ਸਭ ਤੋਂ ਵੱਧ ਮਾਸਿਕ ਵਿਕਰੀ ਵੀ ਦਰਜ ਕੀਤੀ। ਇਹ ਪਿਛਲੇ ਸਾਲ ਦੇ 12,835 ਵਾਹਨਾਂ ਦੇ ਮੁਕਾਬਲੇ 92 ਫੀਸਦੀ ਜ਼ਿਆਦਾ ਹੈ।

ਮਹਿੰਦਰਾ ਦੀ ਵਿਕਰੀ 'ਚ ਵੀ ਜ਼ਬਰਦਸਤ ਉਛਾਲ

ਪ੍ਰਮੁੱਖ SUV ਨਿਰਮਾਤਾ ਮਹਿੰਦਰਾ ਐਂਡ ਮਹਿੰਦਰਾ ਦੀ ਕੁੱਲ ਵਾਹਨਾਂ ਦੀ ਵਿਕਰੀ ਜਨਵਰੀ 'ਚ ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 15 ਫੀਸਦੀ ਵਧ ਕੇ 73,944 ਇਕਾਈ ਹੋ ਗਈ। ਇਸ ਦੇ ਨਾਲ ਹੀ ਯੂਟੀਲਿਟੀ ਵਾਹਨਾਂ ਦੀ ਵਿਕਰੀ ਪਿਛਲੇ ਸਾਲ ਜਨਵਰੀ 'ਚ 32,915 ਵਾਹਨਾਂ ਦੇ ਮੁਕਾਬਲੇ 31 ਫੀਸਦੀ ਵਧ ਕੇ 43,068 ਇਕਾਈ ਹੋ ਗਈ।

ਦੋਪਹੀਆ ਵਾਹਨ ਵੀ ਨਹੀਂ ਹਨ ਕਿਸੇ ਤੋਂ ਪਿੱਛੇ 

ਹੋਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਦੀ ਦੋਪਹੀਆ ਵਾਹਨ ਸੈਗਮੈਂਟ ਦੀ ਕੁੱਲ ਵਿਕਰੀ ਜਨਵਰੀ 'ਚ 41.50 ਫੀਸਦੀ ਵਧ ਕੇ 4,19,395 ਯੂਨਿਟ ਹੋ ਗਈ। ਇਸ ਦੌਰਾਨ ਘਰੇਲੂ ਵਿਕਰੀ 37 ਫੀਸਦੀ ਵਧ ਕੇ 3,82,512 ਯੂਨਿਟ ਰਹੀ। ਮੋਹਰੀ ਮੋਟਰਸਾਈਕਲ ਨਿਰਮਾਤਾ ਕੰਪਨੀ ਰਾਇਲ ਐਨਫੀਲਡ ਦੀ ਵਿਕਰੀ ਜਨਵਰੀ 'ਚ ਦੋ ਫੀਸਦੀ ਵਧ ਕੇ 76,187 ਯੂਨਿਟ ਹੈ। ਪਿਛਲੇ ਸਾਲ ਇਸੇ ਮਹੀਨੇ ਕੰਪਨੀ ਨੇ ਕੁੱਲ 74,746 ਵਾਹਨ ਵੇਚੇ ਸਨ। ਵਪਾਰਕ ਵਾਹਨ ਨਿਰਮਾਤਾ ਅਸ਼ੋਕ ਲੇਲੈਂਡ ਦੀ ਕੁੱਲ ਵਿਕਰੀ ਪਿਛਲੇ ਸਾਲ ਇਸੇ ਮਹੀਨੇ 17,200 ਵਾਹਨਾਂ ਦੀ ਵਿਕਰੀ ਦੇ ਮੁਕਾਬਲੇ ਸੱਤ ਫੀਸਦੀ ਘੱਟ ਕੇ 15,939 ਇਕਾਈ ਰਹਿ ਗਈ। 

• 

  ਆਟੋਮੋਬਾਈਲ ਬਜਟ 2025: ਹਾਈਬ੍ਰਿਡ ਲਈ GST ਵਿੱਚ ਕਮੀ, ਘਰੇਲੂ ਉਤਪਾਦਨ ਵਿੱਚ ਰੁਕਾਵਟਾਂ ਨੂੰ ਦੂਰ ਕਰਨਾ, ਅਤੇ ਹੋਰ ਬਹੁਤ ਕੁਝ

  auto

• 

  2025 ਵਿੱਚ Honda Dio ਸਕੂਟਰ ਹੋਇਆ ਲਾਂਚ, ਸ਼ਕਤੀਸ਼ਾਲੀ ਇੰਜਣ ਦੇ ਨਾਲ ਮਿਲਣਗੇ ਇਹ ਫੀਚਰ

  auto

• 

  ਭਾਰਤ ਮੋਬਿਲਿਟੀ ਗਲੋਬਲ ਐਕਸਪੋ 2025: ਸ਼ਕਤੀਸ਼ਾਲੀ ਬੈਟਰੀ, ਸ਼ਾਨਦਾਰ ਡਿਜ਼ਾਈਨ, ਨਵੀਂ Kia EV6 ਲਾਂਚ ਕਰਨ ਲਈ ਤਿਆਰ

  auto

• 

  ਕਾਰ ਦੀ ਸਿਹਤ ਲਈ ਬੇਹੱਦ ਮਹੱਤਵਪੂਰਨ ਹੈ ਰੇਡੀਏਟਰ,ਲਾਪਰਵਾਹੀ ਨਾਲ ਇੰਜਣ ਹੋ ਸਕਦਾ ਹੈ ਸੀਜ਼

  auto

• 

  Honda Elevate Black Edition: ਬਲੈਕ ਅਤੇ ਸਿਗਨੇਚਰ ਬਲੈਕ 'ਚ ਹਲਚਲ ਮਚਾਉਣ ਲਈ ਆਈ ਇਹ ਨਵੀਂ ਹੌਂਡਾ ਕਾਰ, ਜਾਣੋ ਪੂਰੀ ਜਾਣਕਾਰੀ

  auto