XPulse 210 ਅਤੇ Xtreme 250R ਦੀ ਬੁਕਿੰਗ ਸ਼ੁਰੂ, ਸਿਰਫ਼ 10,000 ਰੁਪਏ ਦਾ ਕਰਨਾ ਪਵੇਗਾ ਭੁਗਤਾਨ

XPulse 210, ਕਾਵਾਸਾਕੀ KLX 230 ਵਰਗੇ ਮੋਟਰਸਾਈਕਲ ਨਾਲ ਮੁਕਾਬਲਾ ਕਰੇਗੀ । ਇਸ ਦੌਰਾਨ, Xtreme 250R ਦਾ ਮੁਕਾਬਲਾ Keeway K300 SF, Bajaj Dominar 250, Bajaj Pulsar NS400Z, Suzuki Gixxer 250 ਅਤੇ Honda CB300F ਵਰਗੀਆਂ ਬਾਈਕਾਂ ਨਾਲ ਹੋਵੇਗਾ। XPulse 210 ਅਤੇ Xtreme 250R ਦੋਵੇਂ ਹੀਰੋ ਪ੍ਰੀਮੀਆ ਸਟੋਰਾਂ 'ਤੇ ਖਰੀਦਣ ਲਈ ਉਪਲਬਧ ਹੋਣਗੇ।

Bookings for XPulse 210 and Xtreme 250R : ਹੀਰੋ ਮੋਟੋਕਾਰਪ ਨੇ XPulse 210 ਅਤੇ Xtreme 250R ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਦਿਲਚਸਪੀ ਰੱਖਣ ਵਾਲੇ ਗਾਹਕ  10,000 ਰੁਪਏ ਦਾ ਭੁਗਤਾਨ ਕਰਕੇ ਬਾਈਕ ਬੁੱਕ ਕਰ ਸਕਦੇ ਹਨ। ਇਨ੍ਹਾਂ ਮੋਟਰਸਾਈਕਲਾਂ ਨੂੰ ਇੰਡੀਆ ਮੋਬਿਲਿਟੀ ਗਲੋਬਲ ਐਕਸਪੋ 2025 ਵਿੱਚ ਲਾਂਚ ਕੀਤਾ ਗਿਆ ਸੀ। ਇਹਨਾਂ ਨੂੰ ਪਹਿਲੀ ਵਾਰ EICMA 2024 ਵਿੱਚ ਪੇਸ਼ ਕੀਤਾ ਗਿਆ ਸੀ। ਦੋਵਾਂ ਮੋਟਰਸਾਈਕਲਾਂ ਦੀ ਡਿਲੀਵਰੀ ਇਸ ਮਹੀਨੇ ਦੇ ਅੰਤ ਤੱਕ ਹੋਣ ਦੀ ਉਮੀਦ ਹੈ। XPulse 210 ਨੂੰ 1.75 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੀ ਸ਼ੁਰੂਆਤੀ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਸੀ, ਜੋ ਕਿ Hero XPulse 200 4V ਨਾਲੋਂ ਲਗਭਗ 24,000 ਰੁਪਏ ਵੱਧ ਹੈ। ਇਹ ਐਡਵੈਂਚਰ ਮੋਟਰਸਾਈਕਲ ਦੋ ਵੇਰੀਐਂਟ ਵਿੱਚ ਉਪਲਬਧ ਹੈ, ਜਿਸ ਵਿੱਚ ਬੇਸ ਮਾਡਲ ਅਤੇ ਪ੍ਰੀਮੀਅਮ ਵਰਜ਼ਨ ਸ਼ਾਮਲ ਹਨ। ਪ੍ਰੀਮੀਅਮ ਵੇਰੀਐਂਟ ਦੀ ਕੀਮਤ 1.86 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। ਇਸ ਤੋਂ ਇਲਾਵਾ, Xtreme 250R 1.80 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੀ ਕੀਮਤ 'ਤੇ ਉਪਲਬਧ ਹੈ।

ਛੇ-ਸਪੀਡ ਗਿਅਰਬਾਕਸ 

Xpulse 210 ਵਿੱਚ 210 cc ਲਿਕਵਿਡ-ਕੂਲਡ ਇੰਜਣ ਹੈ ਜੋ ਛੇ-ਸਪੀਡ ਗਿਅਰਬਾਕਸ ਨਾਲ ਜੁੜਿਆ ਹੋਇਆ ਹੈ। ਇਸ ਵਿੱਚ ਅਸਿਸਟ ਅਤੇ ਸਲਿਪਰ ਕਲਚ ਵੀ ਹੈ। ਇਹ ਇੰਜਣ 24.6 bhp ਦੀ ਵੱਧ ਤੋਂ ਵੱਧ ਪਾਵਰ ਅਤੇ 20.7 Nm ਦਾ ਪੀਕ ਟਾਰਕ ਪੈਦਾ ਕਰਨ ਦੇ ਸਮਰੱਥ ਹੈ। ਜਿਵੇਂ ਉਮੀਦ ਕੀਤੀ ਗਈ ਸੀ, ਨਵਾਂ XPulse 210 XPulse 200 4V ਨਾਲੋਂ ਵਧੇਰੇ ਸ਼ਕਤੀਸ਼ਾਲੀ ਹੈ। ਦੂਜੇ ਪਾਸੇ, ਹੀਰੋ ਐਕਸਟ੍ਰੀਮ 250R ਇੱਕ ਨੇਕਡ ਸਟ੍ਰੀਟਫਾਈਟਰ ਹੈ ਜੋ OEM ਦੇ ਨਵੇਂ 250 ਸੀਸੀ ਪਲੇਟਫਾਰਮ 'ਤੇ ਅਧਾਰਤ ਹੈ। ਇਹ 250 ਸੀਸੀ ਲਿਕਵਿਡ-ਕੂਲਡ ਸਿੰਗਲ-ਸਿਲੰਡਰ ਇੰਜਣ ਦੁਆਰਾ ਸੰਚਾਲਿਤ ਹੈ ਜੋ 29.58 ਬੀਐਚਪੀ ਦੀ ਪੀਕ ਪਾਵਰ ਅਤੇ 25 ਐਨਐਮ ਦਾ ਟਾਰਕ ਪੈਦਾ ਕਰਦਾ ਹੈ।

ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ 

Xtreme 250R ਵਿੱਚ LED ਲਾਈਟਿੰਗ, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਨੈਵੀਗੇਸ਼ਨ ਲਈ ਬਲੂਟੁੱਥ ਕਨੈਕਟੀਵਿਟੀ, ਮੋਬਾਈਲ ਡਿਵਾਈਸਾਂ ਨੂੰ ਚਾਰਜ ਕਰਨ ਲਈ ਇੱਕ USB ਪੋਰਟ ਅਤੇ ਹੋਰ ਬਹੁਤ ਸਾਰੀਆਂ ਵਿਸ਼ੇਸ਼ਤਾਵਾਂ ਹਨ। XPulse 210 ਵਿੱਚ ਪੂਰੀ ਤਰ੍ਹਾਂ LED ਲਾਈਟਿੰਗ, ਇੱਕ ਟੇਲ ਰੈਕ ਅਤੇ ਮੋਬਾਈਲ ਡਿਵਾਈਸਾਂ ਨੂੰ ਚਾਰਜ ਕਰਨ ਲਈ ਇੱਕ USB ਪੋਰਟ ਵੀ ਹੈ। ਵੇਰੀਐਂਟ ਦੇ ਆਧਾਰ 'ਤੇ ਇੱਕ TFT ਇੰਸਟਰੂਮੈਂਟ ਕਲੱਸਟਰ ਜਾਂ ਇੱਕ LCD ਯੂਨਿਟ ਹੁੰਦਾ ਹੈ। 

ਚਾਰ ਰੰਗਾਂ ਦਾ ਵਿਕਲਪ

ਨੈਵੀਗੇਸ਼ਨ ਦੇ ਨਾਲ ਬਲੂਟੁੱਥ ਕਨੈਕਟੀਵਿਟੀ ਵੀ ਹੈ। XPulse 210 ਚਾਰ ਰੰਗਾਂ ਦੇ ਵਿਕਲਪਾਂ ਵਿੱਚ ਆਉਂਦਾ ਹੈ - ਅਲਪਾਈਨ ਸਿਲਵਰ, ਵਾਈਲਡ ਰੈੱਡ, ਅਜ਼ੂਰ ਬਲੂ ਅਤੇ ਗਲੇਸ਼ੀਅਰ ਵ੍ਹਾਈਟ। Xtreme 250R ਤਿੰਨ ਰੰਗਾਂ ਵਿੱਚ ਉਪਲਬਧ ਹੈ, ਜਿਸ ਵਿੱਚ ਫਾਇਰਸਟੋਰਮ ਰੈੱਡ, ਸਟੀਲਥ ਬਲੈਕ, ਨਿਓਨ ਸ਼ੂਟਿੰਗ ਸਟਾਰ ਸ਼ਾਮਲ ਹਨ।
 

• 

  Driving ਸੀਟ 'ਤੇ ਬੈਠਣ ਤੋਂ ਤੁਹਾਨੂੰ ਵੀ ਲੱਗਦਾ ਹੈ ਡਰ ਤਾਂ ਇਹ 4 Tips ਕਰ ਦੇਣਗੇ ਤੁਹਾਡਾ ਰਾਹ ਸੌਖਾ...

  auto

• 

  Celerio CNG ਵਿੱਚ 30-50 KM ਦਾ ਸਫ਼ਰ ਸਿਰਫ਼ 150 ਰੁਪਏ ਵਿੱਚ, ਰਿਵਰਸ ਪਾਰਕਿੰਗ ਸੈਂਸਰ ਵੀ ਮਿਲੇਗਾ

  auto

• 

  ਪੁਰਾਣੇ ਟਾਇਰਾਂ ਨੂੰ ਠੀਕ ਕਰਵਾਉਣਾ ਸਹੀ ਹੈ ਜਾਂ ਗਲਤ,ਕੀ ਹਨ ਇਸਦੇ ਫਾਇਦੇ ਅਤੇ ਨੁਕਸਾਨ

  auto

• 

  ਫਰਾਂਸੀਸੀ ਆਟੋਮੋਬਾਈਲ ਕੰਪਨੀ Citroen ਨੇ ਕਾਰਾਂ 'ਤੇ ਲਗਾ ਦਿੱਤੀ ਆਫਰਾਂ ਦੀ ਝੜੀ,ਹਰ ਗੱਡੀ 'ਤੇ Discount

  auto

• 

  TVS Jupiter ਵਿੱਚ ਮਿਲੇਗੀ 33-ਲੀਟਰ ਅੰਡਰ ਸੀਟ ਸਟੋਰੇਜ, ਮੋਬਾਈਲ ਚਾਰਜਰ ਅਤੇ ਹੈਜ਼ਰਡ ਲਾਈਟ

  auto