ਪੰਜਾਬ 'ਚ ਬਦਲੇਗਾ ਮੌਸਮ, ਮੀਂਹ ਨਾਲ ਤਾਪਮਾਨ 'ਚ ਆ ਸਕਦੀ ਗਿਰਾਵਟ, ਜਾਣੋ ਹੋਰ ਵਧੇਗੀ ਠੰਡ ਜਾਂ ਨਹੀਂ 

ਇਸਦੇ ਨਾਲ ਹੀ ਮੌਸਮ ਵਿਭਾਗ ਵੱਲੋਂ ਲੋਕਾਂ ਨੂੰ ਇਹ ਸਲਾਹ ਵੀ ਦਿੱਤੀ ਜਾ ਰਹੀ ਹੈ ਕਿ ਉਹ ਇਸ ਗੱਲ ਦਾ ਅਹਿਸਾਸ ਨਾ ਕਰਨ ਕਿ ਸਰਦੀ ਜਾ ਚੁੱਕੀ ਹੈ। ਇਹ ਗਲਤੀ ਸਿਹਤ ਉਪਰ ਭਾਰੀ ਪੈ ਸਕਦੀ ਹੈ। ਕਿਉਂਕਿ ਹਾਲੇ ਵੀ ਮੌਸਮ ਠੰਡਾ ਹੈ ਤੇ ਇਸਤੋਂ ਬਚਾਅ ਕਰਨ ਹੀ ਅਹਿਮ ਜ਼ਰੂਰਤ ਹੈ। 

ਪੰਜਾਬ ਭਰ ਦੇ ਮੌਸਮ ਵਿੱਚ ਲਗਾਤਾਰ ਬਦਲਾਅ ਦੇਖਣ ਨੂੰ ਮਿਲ ਰਹੇ ਹਨ। ਜੇਕਰ ਦੋ ਦਿਨ ਪਹਿਲਾਂ ਦੀ ਗੱਲ ਕਰੀਏ ਤਾਂ ਦਿਨ ਅਤੇ ਰਾਤ ਦਾ ਤਾਪਮਾਨ ਆਮ ਨਾਲੋਂ ਜਿਆਦਾ ਦਰਜ ਹੋ ਰਿਹਾ ਹੈ। ਜਿਸ ਕਰਕੇ ਅਜਿਹਾ ਜਾਪਦਾ ਹੈ ਕਿ ਜਲਦ ਹੀ ਗਰਮੀ ਦੀ ਸ਼ੁਰੂਆਤ ਹੋ ਜਾਵੇਗੀ। ਪਰ ਬੀਤੇ ਦੋ ਦਿਨਾਂ ਦੌਰਾਨ ਪਈ ਧੁੰਦ ਤੇ ਬੱਦਲਵਾਈ ਦੇ ਚੱਲਦਿਆਂ ਮੌਸਮ ਨੇ ਕਰਵਟ ਲਈ ਹੈ। ਤਾਪਮਾਨ ਵਿੱਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ ਜਿਸਦਾ ਕਾਰਨ ਪੱਛਮੀ ਡਿਸਟਰਬੈਂਸ ਦੱਸਿਆ ਜਾ ਰਿਹਾ ਹੈ। ਇਸਦੇ ਨਾਲ ਹੀ ਮੌਸਮ ਵਿਭਾਗ ਵੱਲੋਂ ਲੋਕਾਂ ਨੂੰ ਇਹ ਸਲਾਹ ਵੀ ਦਿੱਤੀ ਜਾ ਰਹੀ ਹੈ ਕਿ ਉਹ ਇਸ ਗੱਲ ਦਾ ਅਹਿਸਾਸ ਨਾ ਕਰਨ ਕਿ ਸਰਦੀ ਜਾ ਚੁੱਕੀ ਹੈ। ਇਹ ਗਲਤੀ ਸਿਹਤ ਉਪਰ ਭਾਰੀ ਪੈ ਸਕਦੀ ਹੈ। ਕਿਉਂਕਿ ਹਾਲੇ ਵੀ ਮੌਸਮ ਠੰਡਾ ਹੈ ਤੇ ਇਸਤੋਂ ਬਚਾਅ ਕਰਨ ਹੀ ਅਹਿਮ ਜ਼ਰੂਰਤ ਹੈ। 

ਸੁਚੇਤ ਰਹਿਣ ਲੋਕ, ਫ਼ਸਲਾਂ ਲਈ ਮੌਸਮ ਲਾਹੇਵੰਦ 

ਮੌਸਮ ਵਿਗਿਆਨੀ ਪਵਨੀਤ ਕੌਰ ਕਿੰਗਰਾ ਨੇ ਦੱਸਿਆ ਕਿ ਭਲਕੇ ਯਾਨੀ 4 ਫ਼ਰਵਰੀ ਨੂੰ ਦਿਨ ਮੰਗਲਵਾਰ ਨੂੰ ਪੰਜਾਬ ਦੇ ਕੁਝ ਹਿੱਸਿਆਂ ਵਿੱਚ ਹਲਕੀ ਬਾਰਿਸ਼ ਹੋ ਸਕਦੀ ਹੈ। ਇਸ ਨਾਲ ਤਾਪਮਾਨ ਵਿੱਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਮੌਸਮ ਵਿੱਚ ਲਗਾਤਾਰ ਵੱਡੇ ਬਦਲਾਅ ਦੇਖਣ ਨੂੰ ਮਿਲ ਰਹੇ ਹਨ। ਪੱਛਮੀ ਡਿਸਟਰਬੈਂਸ ਦੇ ਚੱਲਦਿਆ ਅਜਿਹਾ ਹੋ ਰਿਹਾ ਹੈ। ਮੌਸਮ ਵਿਗਿਆਨੀ ਨੇ ਕਿਹਾ ਕਿ ਬਦਲਦੇ ਮੌਸਮ ਵਿੱਚ ਲੋਕਾਂ ਨੂੰ ਆਪਣਾ ਖਾਸ ਤੌਰ ਉੱਤੇ ਖਿਆਲ ਰੱਖਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਮੌਸਮ ਅਜਿਹਾ ਚਲ ਰਿਹਾ ਹੈ ਕਿ ਕਦੇ ਠੰਢ ਤੇ ਕਦੇ ਗਰਮੀ ਮਹਿਸੂਸ ਹੁੰਦੀ ਹੈ, ਇਸ ਲਈ ਇਸ ਤਰ੍ਹਾਂ ਦੇ ਮੌਸਮ ਵਿੱਚ ਆਪਣਾ ਧਿਆਨ ਰੱਖੋ। ਘਰੋਂ ਬਾਹਰ ਨਿਕਲਣ ਸਮੇਂ ਗਰਮ ਕੱਪੜੇ ਜ਼ਰੂਰ ਪਾਉਣੇ ਚਾਹੀਦੇ ਹਨ। ਲੋਕਾਂ ਨੂੰ ਚੰਗੀ ਖੁਰਾਕ ਲੈਣੀ ਚਾਹੀਦੀ ਹੈ। ਕਿੰਗਰਾ ਨੇ ਕਿਹਾ ਕਿ ਠੰਡ ਦਾ ਫਸਲਾਂ ਉੱਪਰ ਚੰਗਾ ਪ੍ਰਭਾਵ ਪਵੇਗਾ ਕਿਉਕਿ ਕਣਕ ਦੇ ਫਸਲ ਲਈ ਠੰਡ ਚੰਗੀ ਹੈ। ਉਨ੍ਹਾਂ ਕਿਹਾ ਰੱਬੀ ਫ਼ਸਲਾਂ ਨੂੰ ਠੰਢਾ ਮੌਸਮ ਚਾਹੀਦਾ ਹੁੰਦਾ ਹੈ ਜਿਸ ਕਰਕੇ ਇਹ ਮੌਸਮ ਫ਼ਸਲਾਂ ਦੇ ਅਨੁਕੂਲ ਹੈ। ਜ਼ਿਕਰਯੋਗ ਹੈ ਕਿ ਮਾਲਵਾ ਖੇਤਰ ਦੇ ਕੁਝ ਇਲਾਕਿਆਂ ਵਿੱਚ ਮੀਂਹ ਪੈਣ ਦੀ ਸੰਭਾਵਨਾ ਹੈ।

• 

  Bilaspur ਦੇ ਕਿਸਾਨ ਨੇ 46 ਡਿਗਰੀ ਤਾਪਮਾਨ ਵਿੱਚ ਉਗਾ ਦਿੱਤੇ ਸੇਬ, ਹੁਣ Padma Shri ਨਾਲ ਕੀਤਾ ਜਾਵੇਗਾ ਸਨਮਾਨ

  Agriculture